Ҳужжатбозлик ва оворагарчиликсиз: 1 апрелдан бошлаб автомобилларни 15 дақиқа ичида ижарага олиш мумкин (видео)
Шу йилнинг 1 апрелидан бошлаб автомобилларни 15 дақиқа ичида ижарага олиш мумкин бўлади. «Ёшлар» телеканали ана шу мавзуда лавҳа тайёрлади.
«Rentcar» хусусий компанияси машиналарни саноқли дақиқаларда, ортиқча ҳужжатбозлик ва оворагарчиликсиз ижарага бериш тизимини йўлга қўймоқда. Бунинг учун сиздан паспорт ҳамда ҳайдовчилик гувоҳномаси ва беш йиллик тажриба талаб этилади, холос.
Автомобиллар бир суткадан бир ойгача ижарага берилади. Маълум қилинишича, автомобилларни ижарага олишда энг муҳим шартлардан бири бу гаров пули. Гаров пули миқдори 4 миллион сўм атрофида.
Нархлар эса автомобилларнинг маркаси ва турига қараб, кунига 250 минг сўмдан 800 минг сўмгача тўланади. Бу хизматдан юртдошларимиз ва чет эллик фуқаролар ҳам фойдаланиши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter