Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Бош вазир Абдулла Арипов учраган ЙТҲ бўйича расмий хабар берилди

Бош вазир Абдулла Арипов учраган ЙТҲ бўйича расмий хабар берилди

Бугун, 20 август куни соат 09:30 ларда ҳайдовчи (1987 й.т.) Б.С. бошқарувида бўлган “DAMAS” русумли автомашинасида Тошкент вилояти Бекобод тумани Зафар қўрғони томонидан Бекобод шаҳар томонига ҳаракатланиб кетаётиб, Қорасув-Бўка-Бекобод автомобиль йўлининг 92 км.да бошқарувни йўқотиб, қарама-қарши йўналишга чиқиб кетган.

Оқибатда Бекобод шаҳридан Бекобод тумани Зафар қўрғони томон ҳаракатланиб келаётган ҳайдовчи (1952 й.т.) Р.Т.нинг бошқарувидаги “Мercedes-Вenz” русумли автомашинанинг чап ён томонига тўқнашиб, йўл-транспорт ҳодисаси содир бўлган. Бу ҳақда ИИВ ахборот хизмати хабар берди.

Тўқнашув оқибатида “Мercedes-Вenz” русумли автомашина ҳайдовчиси Р.Т. ҳамда унинг икки нафар йўловчиси — А.Султонов (1968 й.т.) ва У.Қурбонов (1975 й.т. ), шунингдек, “DAMAS” русумли автомашина ҳайдовчиси Б.С. ва унинг йўловчиси А.М. (1985 й.т.) жароҳат олиб, шифохонага ётқизилган.

Шунингдек, мазкур йўл-транспорт ҳодисаси оқибатида “Мercedes-Вenz” русумли автомашина йўловчиси Ўзбекистон Республикаси Бош вазири А.Арипов соғлиғининг бузилишига сабабчи бўлмаган енгил тан жароҳати олган.

Ҳозирда ушбу йўл-транспорт ҳодисаси оқибатида жароҳат олганларнинг барчасига зарур тиббий ёрдам кўрсатилган. Уларнинг соғлиғи қониқарли ҳолатда бўлиб, ҳаёти ва соғлиғига хавф солувчи жароҳатлар аниқланмаган.

Мазкур ҳолат юзасидан ҳозирда дастлабки тергов ҳаракатлари ўтказилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг