Эроннинг Россияга таклифи туркий аҳолининг эътирозига сабаб бўлди
Эрон Россияга форс ва рус тилларини икки мамлакатдаги мактабларда «иккинчи тил» сифатида ўқитишни таклиф қилди. Эронда яшовчи туркий аҳоли ҳукуматнинг бу таклифига ижтимоий тармоқлар орқали эътироз билдиришди.Бу ҳақда «Hurriyet» хабар қилмоқда.
Эроннинг расмий ахборот агентлиги ИРНА тарқатган хабарга кўра, Москва шаҳрига ташриф буюрган Эрон таълим вазири Муҳаммад Батҳои Думанинг Фан ва таълим масалалари қўмитаси раиси Вячеслав Никонов билан учрашган.
Вазирнинг айтишича, Эронда инглиз тили ўрнига рус тили иккинчи тил сифатида ўқитилиши мумкин.
Дума депутати ҳам бу таклифни қўллаб-қувватлаб, мамлакатдаги мактабларда иккинчи тил сифатида хитойча билан биргаликда форсча ҳам ўқитилиши мумкинлигини айтган.
80 миллон нафар нуфусга эга Эрон аҳолисининг тахминан ярмини туркий миллатлар ташкил этади. Шу боис эронлик туркийлар бу таклифга ижтимоий тармоқлар орқали эътироз билдиришган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter