Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Одамларни «қийратган» сохта ДХХ ходими ва «полковник» қўлга олинди

Одамларни «қийратган» сохта ДХХ ходими ва «полковник» қўлга олинди

Фото: «Day.Az»

1955 йили Қашқадарё вилояти Қамаши туманида туғилган Ж.М. маҳаллий фуқарога ўзини Мудофаа Вазирлигининг махсус операциялар бўлимидан полковник, деб таништириб, уни келгусида Давлат хавфсизлик хизмати идораларига ишга жойлаштириб қўйишни ваъда қилади ва эвазига 8 минг АҚШ доллари сўрайди, деб ёзади «ЎзА».

У Қамаши тумани Ифтихор кўчасида жойлашган «Ҳунарманд» ошхонасида юқорида қайд этилган 8 минг АҚШ долларидан 4 мингини олаётган вақтда Давлат хавфсизлик хизмати Қашқадарё вилояти бошқармаси ходимлари томонидан қўлга олинган.

Тезкор тадбир давомида унинг ёнидан Ўзбекистон Республикаси Мудофаа вазирлигининг махсус операциялар бўлими, полковник Ж.М. номига сохта маълумотлар билан ёзилган қалбаки хизмат гувоҳномаси топилди.

Бундан ташқари, ўзини ДХХ ходими дея таништириб, одамлар ишончига кирган ва ҳокимият идоралари билан боғлиқ муаммоларини ҳал қилиб бериш эвазига товламачилик қилиб, уларнинг пулини олиш билан шуғулланган Хива шаҳрида яшовчи 39 ёшли Д.Р.нинг ҳам ноқонуний хатти-ҳаракатларига чек қўйилди.

Аниқланишича, Д.Р. бир неча фуқарога ер участкалари ажратиб берилишида ёрдамлашишни ваъда қилиб, улардан жами 100 минг доллардан ортиқ миқдорда пул олган.

Ҳозирда М.Ж. ҳамда Д.Р.га нисбатан Жиноят Кодексининг 168- ва 211-моддаларига асосан жиноят ишлари қўзғатилиб, тергов ҳаракатлари олиб борилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг