Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Канада компанияси Навоий вилоятида олтин қидиради

Канада компанияси Навоий вилоятида олтин қидиради

Фото: «Sensorika.uz»

Ўзбекистон Республикаси ташқи ишлар вазирлиги матбуот хизмати хабар қилишича, Канаданинг олтин қазиб олувчи «B2Gold» компанияси Навоий вилоятидаги олтин захираларини ўрганади. Вилоятда учта эҳтимолий олтин кони борлиги айтилмоқда ва бу жойлар Канада компанияси томонидан кўриб чиқилади.

Ўзбекистон Республикаси Давлат геология ва минерал ресурслар қўмитаси раҳбари Бобир Исломов бошчилигидаги мамлакатимиз делегацияси 3—10 март санасида Канада кончилар ва геолог-кон қидирувчилар ассоциацияси ташаббуси билан ташкил этилган халқаро кўргазмада (PDAC) иштирок этди. Ушбу ташриф давомида давомида «B2Gold» компанияси билан келишувга эришилди.

Унга кўра, Канада компанияси Навоий вилоятидаги учта эҳтимолий олтин конини ўрганиб чиқади. «B2Gold» олтинтопарлари дастлабки босқичда 2 миллион доллар инвестиция киритишмоқчи. Лойиҳа муваффақиятга эришган тақдирда канадаликлар сармоя ҳажмини кўп бора оширишга ва олтин қазиб олишга киришишга тайёр.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг