Ўзбекистон Республикаси Ички ишлар вазирлиги юридик шахсларга ички ишлар органларининг эксперт-криминалистик бўлинмалари томонидан пуллик асосда эксперт, илмий-тадқиқот, ахборий хизматларини тақдим этади.

Вазирлик ахборот хизматининг хабар қилишича, хизматлар қуйидаги йўналишлардан иборат:

1. Қалбаки ҳужжатлар, қимматли қоғозлар, шахсий гувоҳномалар бўйича таълим;

1. Видеокузатув тизими имкониятлари орқали шахсий идентификацияни аниқлаш;

3. Двигател, шасси, автомашиналарнинг рақамларини рўйхатдан ўтказиш ва қайта рўйхатдан ўтказиш бўйича тадқиқот олиб бориш;

4. Ҳужжатлар, қимматли қоғозлар, лотерея чипталари, шунингдек, бошқа босма маҳсулотларнинг ҳақиқийлигини қатъий тартибда тадқиқ этиб бориш;

5. Қўлёзма ёзувлари ва имзоларни аниқлаш бўйича тадқиқот олиб бориш;

6. Муддати тугагани сабабли йўқолиб қолган матнларни қайта тиклаш;

7. Вино, арақ маҳсулотлари ва заргарлик буюмларининг таркибини аниқлаш;

8. Компютер технологиялари соҳасида хизматлар ва маслаҳатлар бериш, хусусан, рақамли ахборот воситаларида йўқолган ахборотни тиклаш, рақамли ахборотни муҳофаза қилиш бўйича маслаҳат бериш.