Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ўзбекистонни вертолётда айланиш имконияти туғилди

Ўзбекистонни вертолётда айланиш имконияти туғилди

Фото: «Bonchancetour.ru»

«Ўзбекистон ҳаво йўллари» миллий авиакомпаниясининг «Махсус авиация ишлари» авиакомпанияси туроператорлар, агентликлар ва барча хоҳловчиларга Ўзбекистоннинг гўзал гўшаларига вертолётда сайр қилиш хизматидан фойдаланишни таклиф этади.

«Ўз касбининг устаси бўлган вертолёт учувчилари нафақат сизнинг хавфсизлигингизни таъминлайди, балки сизни манзилингизга тез ва қулай элтиб қўйишади», дейилади МАК ахборот хизмати хабарида.

Ми-8МТВ-1 — ишончли вертолёт, бир парракли схема бўйича бажарилган, иккита газтурбинали двигателга ва уч таянчли шассига эга. Саёҳат учун 16 ўриндиқли ВИП-класс ва 22 ўриндиққа эга бўлган эконом класс Ми-8 вертолётларидан фойдаланилади. Вертолётда сайр қилишнинг ўзига хис жиҳати шундаки, у етиб бориш қийин бўлган жойларга ҳам қўниб ва учиб кета олади.

Ёзги мавсумнинг энг иссиқ палласи — чиллада вертолётни Чимён метеостанцияси вертолёт майдончасида, Чорвоқ оромгоҳи дам олиш зонасида қўндириш ва шу ернинг ўзида қисқа муддатли парвозларни бажариб, дам олувчиларга унутилмас лаҳзаларни ҳадя қилиш мумкин.

Хизматлар жисмоний шахсларга ҳам, юридик шахсларга ҳам кўрсатилади. Маълумотлар олиш учун +998 (71) 258-05-50, +998 (71) 258-49-22 (e-mail: [email protected]) телефонларига мурожаат қилиш мумкин.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг