Хабарлар тезкор Телеграм каналимизда Обуна бўлиш ×

«Ўзнефтгазинспекция»га бошлиқ тайинланди

«Ўзнефтгазинспекция»га бошлиқ тайинланди

Скрин: «Ўзнефтгазинспекция»

Ўзбекистон Республикаси Президентининг 2019 йил 3 апрелдаги қарори билан Энергетика вазирлиги ҳузуридаги Нефть маҳсулотлари ва газни назорат қилиш инспекцияси бошлиғи тайинланди. Бу ҳақда Энергетика вазирлигининг матбуот хизмати хабар берди.

Инспекция бошлиғи этиб бунга қадар Ўзбекистон Республикаси Вазирлар Маҳкамаси ҳузуридаги Нефть ва газдан фойдаланишни назорат қилиш давлат инспекцияси бошлиғи лавозимида ишлаган (2017-2019 йиллар) Нодир Тоҳирович Агзамов тайинланди.

Н.Агзамов 1996-2002 йилларда Тошкент давлат техника университетида нефть ва газни қайта ишлаш мутахассислиги бўйича таҳсил олган. Шунингдек, 2011-2012 йилларда Сеул миллий университетида (Жанубий Корея) «Халқаро энергетика сиёсати» дастури бўйича таълим олган. У меҳнат фаолиятини «Ўзнефть маҳсулотларини қайта ишлаш» ва «Ўзнефтмаҳсулот» компанияларида бошлаган. 2012-2017 йилларда — Ўзбекистон Республикаси Вазирлар Маҳкамасининг Геология, ёқилғи-энергетика мажмуи, кимё, нефть-кимё ва металлургия саноати ахборот-таҳлил департаментининг ёқилғи-энергетика комплексини ривожлантириш бўйича етакчи мутахассиси вазифасида ишлаган.

Шунингдек, Ўзбекистон Республикаси Энергетика вазирлигининг иккита инспекция бошлиғига ўринбосарлар ҳам тайинланди. Бу борадаги тегишли ҳужжатлар Бош вазири Абдулла Арипов томонидан 2019 йил 9 апрелда имзоланди.

Асқар Шарифжонович Исаков Ўзбекистон Республикаси Энергетика вазирлиги ҳузуридаги нефть маҳсулотлари ва газдан фойдаланишни назорат қилиш инспекцияси бошлиғининг ўринбосари этиб тайинланди.

Умаржон Усмоналиевич Эгамбердиев Ўзбекистон Республикаси Энергетика вазирлиги ҳузуридаги Энергетика назорати инспекцияси бошлиғининг ўринбосари етиб тайинланди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг