Туркияда янги йил куни теракт уюштирмоқчи бўлганлар ушланди
Бугун Туркиянинг Истанбул ҳамда Анқара шаҳарларида ўтказилган амалиётлар чоғида 75 нафар киши ИШИД террорчилик ташкилотига алоқадорликда гумонланиб, ҳибсга олинди. Бу ҳақда «Евронюс» хабар берди. Агентликнинг билдиришича, қўлга олинганлар орасида Янги йил байрами кунлари теракт амалга оширишни режалаштирганлар ҳам бор.
Ушбу амалиётлар ўтган йили Истанбулда 39 нафар кишининг ўлимига сабаб бўлган терактга бир йил тўлишига яқин қолганда амалга оширилди. Ўша терактдан буён ҳибсга олишлар кўпайди ва бугунги кунда 100 нафарга яқин киши воқеага алоқадорликда айбланиб қўлга олинган.
Янги йил кечаси Истанбулда хавфсизлик чоралари кучайтирилади. 40 000га яқин полициячи жалб этилади, кўплаб кварталларда, жумладан, Таксим ва Бешиктош майдонларида оммавий йиғилишлар тақиқланади.
Охирги йилларда Туркияда кўплаб терактлар амалга ошириб келинди. Аммо, ўтган Янги йил кечасидаги ҳодисадан буён Туркияда бирорта теракт амалга оширилмади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter