Бугун кучли жазирама бўлади. Ундан қандай эҳтиёт бўлиш лозим?
Бир неча кун муқаддам Ўзбекистонга Туркманистон орқали Эрондан иссиқ ва қуруқ ҳаво келиши ҳақида хабар берган эдик. Ўша кутилган жазирама юртимизда бошланди.
Бундай вақтда нима қилмоқ лозим? Бу саволга ҳам Соғлиқни сақлаш вазирлиги жавоб бериб ўтган.
Жазирамада энг аввало бошни асраш лозим. Чунки бош миядан катта артерия, вена қон томирлари ўтган бўлиб, куннинг иссиқ вақтида бош яланг юрганда бош қизиб, бутун танада иссиқ қон айланиб, инсонларни офтоб уришига олиб келиши мумкин.
Яна сув ичиш керак. Газланган ва турли қўшимчалар қўшилгани эмас, балки оддий ичимлик суви ичган маъқул. Шунингдек, имкон қадар туш вақтида кўчага чиқмаслик тавсия этилади.
Эслатиб ўтамиз, бугун кундуз вақтларда ҳаво ҳарорати +40…+43 °Cгача кўтарилиши кутилмоқда. Юртимизнинг жануб ва чўл зоналарида +44…+45 °Cгача кўтарилиши мумкин.
Ўзингизни эҳтиёт қилинг.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter