Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Хушнудбек Худойбердиев

Фақат ҳақиқатни, барча ҳақиқатни, ҳақиқатдан ўзга ҳеч нарсани…

Сиртқи таълимда ҳам 3 та йўналишни танласа бўладими?

Сиртқи таълимда ҳам 3 та йўналишни танласа бўладими?

Савол: Сиртқи таълим шаклида ҳам учта олий таълим муассасасига (йўналишига) топширса бўладими?

ЖАВОБ: Ҳа, бўлади. Абитуриентлар ҳужжат топшираётганда фанлар блоки мос келадиган 3 та сиртқи таълим йўналишларини танлаши мумкин.

Савол: Учта ОТМга топширишда сиртқи ва кундузгига топшириш имкони борми? Масалан, иккита сиртқи ва битта кундузгига?

ЖАВОБ: Йўқ, мумкин эмас. Бу ерда бир жиҳатни эътиборга олиш керакки, танланаётган 3 та йўналиш албатта битта ТАЪЛИМ ШАКЛИ доирасида бўлиши керак.

Яъни битта кундузги, битта сиртқи, битта кечки таълимни танлаб бўлмайди. Агар асосий ОТМ сифатида кундузгига топшираётган бўлсангиз, демак қолган 2 та йўналишни ҳам фақат кундузгилар орасидан танлай оласиз, сиртқи ёки кечки таълимни қўша олмайсиз. Ёки аксинча, агар сиртқига топширмоқчи бўлсангиз, демак барча йўналишларингиз фақат сиртқи таълим доирасида бўлиши керак.

Савол: Ўқишга топширсак дипломимизни қайтариб беришадими? Қайтарилган тақдирда сиртқи таълимга топшира оламанми?

ЖАВОБ: Кундузги йўналишларга ҳужжат топширилганда диплом ва паспорт қайтариб берилади, лекин бу абитуриентга сиртқига топшириш имконини бермайди. ДТМда база битта бўлади ва кундузгига топширганларни сиртқига қабул қилишмайди. Шунинг учун ёки кундузгига, ёки сиртқига топширишни олдиндан аниқлаб олишингиз керак.

Савол: Агар тестдлан йиқилган тақдирда сиртқи таълим шаклига ҳужжат топширса бўладими?

ЖАВОБ: Йўқ, топшириб бўлмайди. Кундузги йўналишларнинг жавоби чиққан пайтда аллақачон сиртқига ҳужжатларни қабул қилиш тугаб бўлган бўлади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг