Наманганда талаба МИБ ходимини калтаклади
2019 йил 6 февраль куни Наманган вилоятида яшовчи И. Э.нинг алиментдан бўлган 32 760 000 сўм қарздорлигини ундиришга келган МИБнинг Норин туман бўлими вакили А. М. калтакланган. Бу ҳақда МИБ матбуот хизмати хабар қилди.
Воқеа тафсилотларига кўра, МИБ ходими дастлаб уйдаги қўйларни хатламоқчи бўлган. 1993 йилда туғилган Андижон тиббиёт институти 6-курс талабаси Х.Т. уйида яна буюмлар бор, дея алдаб ижрочини уйига таклиф этган.
Кейин эшикни қулфлаб А. М.га тан жароҳат етказган. Оқибатда МИБ вакили чап қўл билак суяги синиб, туман шифохонасига ётқизилган.
Ҳозирда мазкур ҳолат юзасидан Х. Т.га Норин туман прокуратураси томонидан Жиноят кодексининг 219-модда, 1-қисми билан жиноят иши қўзғатилиб, жиноят процессуал кодексининг 221-моддаси тартибида қамоққа олинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter