Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ангренда ука акасини пичоқлади, лекин жиноятни яширишди

Ангренда ука акасини пичоқлади, лекин жиноятни яширишди

Фото: «Asr.uz»

2018 йил 28 январь куни Ангрен шаҳар ички ишлар бўлимига марказий шифохонадан хабар тушди. Хабарда шу куни 20:30 ларда тез тиббий ёрдам автомашинасида Ангрен шаҳрида яшовчи Р.М. бел соҳасининг чап томонидаги тан жароҳати билан олиб келиниб, ётқизилгани маълум қилинган.

Жабрланувчи Р.М. билан олиб борилган бирламчи терговолди текширув ҳаракатлари давомида у 28 январь куни соат 20:00 ларда, чиқиндихонанинг олдидан ўтиб кетаётган вақтида эҳтиётсизлиги туфайли оёғи сирпаниб кетиб, йиқилган ва тан жароҳати олганини маълум қилган.

Ушбу ҳолат юзасидан Ангрен шаҳар ИИБ ходимлари томонидан ўтказилган терговолди текширув ҳаракатлари давомида воқеа аслида қандай бўлгани аниқланган. Яъни, 2018 йил 28 январь куни соат 20:30 ларда Р.М.нинг укаси унинг олдига келган, улар ўзаро жанжаллашиб қолишган. Воқеа эса ука акасини пичоқлаб қўйиши билан якун топган.

Ҳозирда мазкур ҳолат юзасидан Ангрен шаҳар ИИБ ҳузуридаги Тергов бўлими томонидан Жиноят кодексининг 104-моддаси 1-қисми билан жиноят иши қўзғатилган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг