Азим Ахмедхаджаев «Airbus Group» аэрокосмик корпорацияси вице-президенти билан учрашди
Ўзбекистон Республикаси ахборот технологиялари ва коммуникацияларини ривожлантириш вазири Азим Ахмедхаджаев «Airbus Group» корпорациясининг Евроосиё минтақаси бўйича вице-президенти Силвер Делоне билан учрашди. Бу ҳақда вазирлик ахборот хизмати хабар берди.
Учрашувда Ўзбекистон томони Европанинг «Airbus Group» аэрокосмик корпорациясига қарашли «Airbus Defence & Space» компаниясининг фаолияти билан яқиндан танишди. Мазкур компания ҳарбий ва аэрокосмик хизматларни кўрсатувчи, ускуналар, маҳсулотлар ишлаб чиқарувчи йирик муассаса ҳисобланади.
Учрашувда томонлар космик тадқиқотларни ташкил қилиш, юқори технологияларни ривожлантириш бўйича ҳамкорликни амалга оширишни келишиб олдилар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter