Хабарлар тезкор Телеграм каналимизда Обуна бўлиш ×

Европа Иттифоқи Венгрияни нима учун жазоламоқчи?

Европа Иттифоқи Венгрияни нима учун жазоламоқчи?

Европа Парламенти Венгрияга нисбатан қатъий чораларни қўллашга овоз берди, дея хабар беради «Gazeta.ru».

Венгрия демократик тамойилларга риоя қилмасликда айбланмоқда. Европа Иттифоқи докладида Венгрияга нисбатан мустақил ОАВларга босим ўтказиш, мустақил судяларни ишдан бўшатиш, муҳожирлар ва қочоқларга ёрдам берувчи нодавлат ташкилотларининг фаолиятига йўл қўймаслик ҳамда ҳукумат аъзолари ва уларнинг оилаларининг Европа фондлари ва Будапештнинг бошқа қонунбузарликлари ҳисобидан бойиши каби айбловлар қайд этилган.

Европа Парламентининг 448 аъзоси Венгрияни жазоланиши ёқлаб овоз берган. 197 нафар бунга қарши чиққан, 48 депутат овоз бериш жараёнида қатнашмаган.

Европа Парламенти Венгрияга «Европа Иттифоқи тўғрисида»ги шартноманинг 7-моддасини қўллаши мумкин. 7-моддада ЕИга аъзо давлатни муайян ҳуқуқдан маҳрум қилиш кўзда тутилган. Мамлакат Иттифоқда овоз бериш ҳуқуқидан маҳрум қилиниши мумкин.

Айтилишича, бундай чора Европа парламенти тарихида илк бор қўлланилмоқда.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг