Ўзбекистон Республикаси Ички ишлар вазирлиги марказий аппарати ҳамда ҳудудий тизимларида бир қатор раҳбарлик лавозимларига тайинловлар бўлди.

Хусусан, Ички ишлар вазирлиги Халқаро аэропортларда хавфсизликни таъминлаш қўшинлари қўмондони лавозимига генерал-майор Мирзарахимов Баҳодир Юлдашевич тайинланди.

Полковник Худойназаров Шокиржон Абдумаликович эса қўмондоннинг биринчи ўринбосари — штаб бошлиғи сифатида фаолият кўрсатади.

Ички ишлар вазирлиги Ўз хавфсизлиги бошқармаси бошлиғининг биринчи ўринбосари-биринчи бўлим бошлиғи лавозимига подполковник Рафиков Шухрат Хикматуллаевич тайинланган бўлса, Транспортда жамоат хавфсизлигини таъминлаш бошқармаси бошлиғининг биринчи ўринбосари этиб подполковник
Хидиралиев Вали Камилджанович тайинланди.

Бундан ташқари, бир қатор ҳудудий бошқармаларга янги ўринбосарлар тайинланди. Хусусан, подполковник Қаршиев Азиз Мухторович Бухоро вилояти Ички ишлар бошқармаси бошлиғининг биринчи ўринбосари, подполковник Умаров Асқар Нарзиевич Самарқанд вилояти Ички ишлар бошқармаси бошлиғининг ўринбосари, полковник Қўчқоралиев Шуҳрат Абдумаликович Жиззах вилояти Ички ишлар бошқармаси бошлиғининг ўринбосари – Молия ва моддий-техника таъминоти бошқармаси бошлиғи, подполковник Ҳабибов Алишер Аминович Бухоро вилояти Ички ишлар бошқармаси бошлиғининг ўринбосари, подполковник Мўминов Шуҳрат Азимович Фарғона вилояти Ички ишлар бошқармаси бошлиғининг ўринбосари, подполковник Раҳматуллаев Аюбхон Тошхўжаевич Фарғона вилояти Ички ишлар бошқармаси бошлиғининг ўринбосари – Молия ва моддий-техника таъминоти бошқармаси бошлиғи, подполковник Ғаффоров Комилжон Исроилович Сурхондарё вилояти Ички ишлар бошқармаси бошлиғининг ўринбосари – Тергов бошқармаси бошлиғи, подполковник Носиров Тоҳиржон Неъматжанович Наманган вилояти Ички ишлар бошқармаси бошлиғининг ўринбосари – Молия ва моддий-техника таъминоти бошқармаси бошлиғи, подполковник Худайбергенов Ортиқ Турсинхонович Тошкент вилояти Ички ишлар бошқармаси Жиноят қидирув бошқармаси бошлиғи каби лавозимларга тайинландилар.