Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ихтисослаштирилган IT-мактабга қабул бошланди

Ихтисослаштирилган IT-мактабга қабул бошланди

Фото: «Xabar.uz»

Муҳаммад ал-Хоразмий номидаги ахборот-коммуникация технологиялари йўналишига оид фанларни чуқурлаштириб ўқитишга ихтисослаштирилган мактаб 2018-2019 ўқув йили учун 5-синф ўқувчиларини қабул қилиш мақсадида танлов эълон қилади.


Мавзу доирасида: Инҳанигина эмас, Оксфордни ҳам кўзлашяпти


Танлов математика, инглиз тили фанларидан ёзма шаклда давлат (ўзбек) тилида ўтказилади.

Танловда иштирок этиш учун қуйидаги ҳужжатлар топширилиши керак:

  1. Мактаб директори номига ариза;
  2. Туғилганлик ҳақида гувоҳнома нусхаси;
  3. 086/У-шаклдаги тиббий маълумотнома;
  4. Яшаш жойидан маълумотнома (вилоятдан келган ўқувчилар Тошкент шаҳрида яшовчи қариндошлари томонидан васийликка олинганлигини тасдиқловчи ҳужжатни тақдим қилиши шарт);
  5. 3х4 ҳажмда 6 та фотосурат (оқ фон, мактаб формасида);
  6. Ўқувчининг ўзлаштириш табели нусхаси (1-4-синф);
  7. Ота ва она паспорт нусхалари;
  8. Ҳужжатлар жамланмаси учун папка (файл папкаси).

Ҳужжатларни қабул қилиш Ихтисослаштирилган мактаб биноси 1-қаватида 2018 йил 2-20 июль кунлари соат 9:00дан 17:00 га қадар амалга оширилади.

Манзил: Мирзо Улуғбек тумани,Тепамасжид кўчаси, 4-уй.

Телефон рақами: 262-15-29 (қабулхона), 262-15-38 (ўқув бўлими)

Танлов Тошкент шаҳридаги Инҳа университети биносида шаффофликни таъминлаш мақсадида бевосита видеокузатувлар ўрнатилган ҳолда Инҳа университети ва Ихтисослаштирилган мактаб ўқитувчилари томонидан ўтказилади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг