Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Ким Чен Ин Россияга етиб келди ва рус нонини татиб кўришдан бош тортди

Ким Чен Ин Россияга етиб келди ва рус нонини татиб кўришдан бош тортди

Шимолий Корея давлат раҳбари Ким Чен Ин зирҳли поездида Россияга етиб келди ва ўзини кутиб олган рус қизлари қўлидан нон-туз татиб кўришдан бош тортди.

Приморе ўлкасидаги Хасан станциясида Ким Чен Инни тантанали кутиб олиш маросими бўлиб ўтди. Унинг зирҳли поезди чегарадан ўтгач, бу ерда бироз вақт тўхтаган. Бироқ Шимолий Корея раҳбари ўзини кутиб олган рус қизлари қўлидан славян халқининг тўй тантаналарида тайёрланадиган нони - каравайдан татиб кўришни истамади.

Бунинг ўрнига КХДРнинг Приморьедаги бош консули Зо Сек Чхор каравай нонини ўзига совға қилишларини сўраган. Ташкилотчилар унинг илтимосини бажаришди.

Ким Чен Ин Хасан станциясида тўхтаганининг сабаби, у «Ким Ир Сен уйи»ни зиёрат қилишни истаган. Бу уй Россия ва Шимолий Корея дўстлиги рамзи сифатида ўз вақтида қурилган эди.

Шундан сўнг Ким Чен Ин Владивостокка йўл олди. У ерда Россия президенти Владимир Путин билан учрашади. Музокара 25 апрелда ўтиши кутилмоқда. Ким Чен Ин Россияга биринчи бор ташриф буюрмоқда. Бунга қадар унинг отаси Ким Ир Сен уч марта бу ерда бўлган эди. Охирги учрашув 2011 йилда ўтказилган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг