Путин энг кўп Эрдўғон билан гаплашган, Трамп эса...
АҚШ президенти Дональд Трамп ва Россия Федерацияси раҳбари Владимир Путиннинг 2018 йилнинг ўтган даври мобайнида энг кўп қайси давлатлар раҳбарлари билан гаплашгани маълум бўлди, дея хабар беради «Haber7.com» сайти.
Путин энг кўп Туркия президенти Ражаб Тоййиб Эрдўғон билан мулоқот қилган.
«Reuters» ахборот агентлиги 2018 йил 17 январь – 18 июль саналари мобайнида АҚШ ва Россия президентларининг энг кўп қайси давлат раҳбарлари билан мулоқот қилганини ўрганиб чиқди. Унга кўра, Америка етакчиси энг кўп Франция президенти Макрон билан, Россия раҳбари эса Туркия президенти билан мулоқот қилган.
Трамп Макрон билан 25 марта, Эрдўғон билан эса 8 марта гаплашган. Эрдўғон Трамп билан энг кўп гаплашган 9-раҳбар бўлган.
Путин Эрдўғон билан 28 марта мулоқот қилган. Қозоғистон президенти Нурсултон Назарбоев билан эса 17 марта гаплашган.
Трамп Оқ уйга келганидан буён 40 дан ортиқ мамлакат раҳбари билан 200 мартадан зиёд мулоқотга киришгани маълум бўлди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter