Путин Сурияда жароҳатланган украиналик аёлга Россия фуқаролигини берди
Россия президенти Владимир Путин июнь ойида бўлиб ўтган тўғридан-тўғри эфир вақтида унга мурожаат қилган украиналик Ирина Баракат исмли аёлга Россия фуқаролигини берди, деб хабар тарқатди «Lenta.ru».
Суриянинг Ҳалаб шаҳрида жароҳатланганидан сўнг Санкт-Петербург ҳарбий тиббиёт академиясида даволанаётган Баракат 7 июнь куни эфирга қўнғироқ қилган эди. У Сурияда таржимон бўлиб ишлаган.
Президентга мурожаатида у Украина фуқароси сифатида турмуш ўртоғи ва болаларини Санкт-Петербургга чақира олмаётгани сабабли Россия фуқаролигини олишда ёрдам беришни сўраган эди. Бундан ташқари у фуқароликка эга бўлмагани учун бепул протезлар олиш ҳуқуқига ҳам эга эмасди.
«Мен мудофаа вазирлигидан ҳамкасбларингиз у ерда (Сурияда) қариндошларингизни топишларини, уларни Россияга олиб келишларини сўрайман. Ва мендан сўраётган нарсангизни бажараман», — дея ваъда қилган эди Путин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter