Шавкат Мирзиёев Россия президентига ҳамдардлик билдирди
Президент Шавкат Мирзиёев Москва шаҳрининг «Шереметьево» аэропортида самолётнинг фавқулодда қўниши оқибатида инсонлар ҳалок бўлгани муносабати билан Россия Федерацияси президенти Владимир Путинга ҳамдардлик мактуби йўллади.
Давлатимиз раҳбари ҳалок бўлганларнинг яқинларига самимий таъзия ва ҳамдардлик билдириб, жароҳат олганларнинг тез фурсатда соғайишларини тилади.
Эслатиб ўтамиз, 5 май куни Москвадаги Шереметьево аэропортида Москва — Мурманск йўналишида ҳаракатланувчи йўловчи самолёти қўниш чоғида ёниб кетганди. Аввалига беш киши жабрлангани, сўнг ҳалок бўлганлар сони ўн нафарни ташкил этиши айтилганди.
Сўнгги хабарларга кўра, самолётда экипаж билан қўшиб ҳисоблаганда 78 киши бўлган. Тергов қўмитаси улардан 37 нафари тирик қолгани, 41 киши эса ҳалок бўлганини маълум қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter