Шопинг учун МДҲнинг қайси шаҳарларига бориш керак?
«Турстат» агентлиги харид қилишни яхши кўрувчи россиялик сайёҳлар орасида сўровнома ўтказди ва МДҲ шаҳарлари рейтингини тузди.
Биринчи ўринда — Озарбайжон пойтахти Боку шаҳри. 2018 йилнинг май ойида бу ерда ўтказилган шопинг-фестиваль хорижлик сайёҳларда катта қизиқиш уйғотди. Таҳлилларга кўра, энг кўп сотилган нарсалар — кийим-кечак, маиший техника, электроника, косметика ва парфюмерия.
Иккинчи ўринда — Остона шаҳри. Қозоғистон пойтахтига келган сайёҳлар кўплаб кийим-кечак, пойабзал, заргарлик буюмлари, мусиқа асбоблари, ҳатто коллекцион қуролларгача харид қилмасдан кетишмайди.
Беларусь пойтахти рус сайёҳлари шопинг-рўйхатида учинчи ўринда. Минск шаҳри мўйнали кийимлари, маиший техникаси ва матолари билан сайёҳларни кўпроқ жалб қилмоқда.
Умуман олганда, россиялик туристлар МДҲ давлатларида ўртача ҳисоблаганда 2-3 кун бўлишади ва харид учун минг долларгача сарфлашади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter