Англияда бир йил ичида элликдан ортиқ гол урган футболчи сўнгги маротаба 60-йилларда бўлган экан. Орадан шунча йиллар бўлса-да, аммо бирор футболчи 50 та гол муаллифига айланмаган. Маълумотларга кўра, «Тоттенхем» афсонаси Жимми Гривз 1962 йилги мавсумда 50 та гол урган. Орадан 55 йил ўтиб, Ҳарри Кейн ҳам Гривзнинг натижасини такрорлади.

Ҳарри Кейн 50-голини «Сток Сити» жамоасига қарши ўйинда киритди. Футболчи 48 та голини клуб сафида, қолган 2тасини эса терма жамоа таркибида уришга муваффақ бўлган. У ўртача 81 дақиқада гол муаллифига айланган. Кейн премьер-лигада жорий мавсум 33 та гол уриб, 1995 йилда Алан Ширер ўрнатган рекордни янгилади.

Шу ўринда қайд этиш жоизки, Англия тарихида биринчи бомбардир бундан 90 йил аввал бўлган. У «Эвертон» футболчиси Дикси Дин эди. Дикси 1927 ва 1928 йилларда кетма-кет икки йил 50 дан ортиқ гол киритган.

Мутахассисларнинг фикрига кўра, Ҳарри Кейн мукаммал футболчи. У бошқалардан кўра кўпроқ машқ қилади. Ҳарри учрашувдан сўнг ҳар бир ютуқ ва камчиликларини муҳокама қилиб чиқар экан. Жамоа бош мураббийи Маурисио Почеттино эса уни «ўта кучли ва чарқоқ билмас футболчи» сифатида мақтаб ўтган.