Янги «iPhone»ларнинг рангли суратлари пайдо бўлди (фото)
Бир йўла бир нечта манбалар «Apple» компанияси жорий йилда камида иккита «iPhone X»га ўхшаган янги смартфон тақдим этишини таъкидламоқда, деб хабар беради «Hi-tech.mail.ru».
Улардан бири 6,1 дюймли IPS-экранли арзон модель, иккинчиси — ўтган йилги «iPhone X»нинг 6,5 дюймли «OLED» экранли «Plus» версияси бўлади. Машҳур @OnLeaks инсайдери қурилмаларнинг чизмалари асосида яратилган янги «Apple» смартфонларининг рангли рендерларини чоп этди.
Янги «iPhone»лар «Apple»нинг ўтган йилги «юбилей» смартфонларидан деярли фарқ қилмаслиги кутилмоқда. 6,1 дюймли арзон «iPhone» фақат битталик камерага эга бўлади, аммо «Face ID» сканери жойлашган «қирқим» экранига ўрнатилади. 6,5 дюймли «iPhone» эса «iPhone X»ни тўлиқ кўчириб олади.
«Apple»нинг янги смартфонлари ҳақидаги қолган маълумотлар сир сақланмоқда, ҳатто уларнинг қандай номланиши ҳам айтилмаяпти. Тахминларга кўра, «iPhone X Plus» 1200 доллардан сотувга чиқади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter