Афринда ҳамон одамлар қурбон бўлмоқда
Кеча, 5 март куни Туркия ҳарбийлари Сурия шимолидаги Африн шаҳри атрофини тўпга тутган. Бу ҳақда «Firat» агентлигига асосланиб ТАСС хабар бермоқда. Агентликнинг ёзишича, ҳужум оқибатида ҳалок бўлганлар сони 18 кишига етган.
5 март куни Туркия бош вазири ўринбосари Бекир Бўздоғ Африннинг 50 фоиз ҳудуди бугунги кунда турк ҳарбийлари назоратига ўтганини айтиб ўтди. Унинг сўзларига кўра «Зайтун новдаси» операцияси бошланганидан буён 2795 та жангари йўқ қилинган. Расмий Анқара уларни курд жангарилари деб ҳисоблайди. Турк қўшинлари «Сурия озодлик армияси» ташкилоти билан бирга 112 қишлоқни ва 30 та стратегик тепаликни назорат қилмоқда.
Курдларнинг «Халқ мудофаа кучлари» ташкилоти Афринда турк қўшинларига қаршилик кўрсатишда давом этишини маълум қилди. Ташкилот раҳбарининг агентликка маълум қилишича, ўтган 24 соат давомида курдлар турк ҳарбийлари позицияларига қатор зарбалар бериши натижасида 20 дан зиёд жангчи ва битта бронетранспортёрни йўқ қилишган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter