Хабарлар тезкор Телеграм каналимизда Обуна бўлиш ×

Шавкат Мирзиёев АҚШнинг диний эркинлик бўйича махсус элчиси билан учрашди

Шавкат Мирзиёев АҚШнинг диний эркинлик бўйича махсус элчиси билан учрашди

Фото: «President.uz»

Ўзбекистон Республикаси Президенти Шавкат Мирзиёев бугун, 18 сентябрь куни АҚШнинг халқаро диний эркинлик соҳасида алоҳида топшириқлар бўйича элчиси Самуэль Браунбэкни қабул қилди. Бу ҳақда президент матбуот хизмати хабар берди.

Давлат раҳбари меҳмонни қутлар экан, Ўзбекистон Республикаси билан Америка Қўшма Штатлари ўртасидаги кенг кўламли ҳамкорлик изчил мустаҳкамланиб бораётганини мамнуният билан қайд этди.

Ўзбекистон инсон салоҳиятини ривожлантириш, шу жумладан, диний эркинлик ва конфессиялараро тотувликни таъминлаш соҳасидаги конструктив мулоқотга муҳим аҳамият қаратаётгани қайд этилди. Президент Ўзбекистоннинг дин соҳасидаги сиёсати барча конфессия вакиллари учун тенг шароитлар яратишга асосланганини таъкидлади.

Ўзбекистон барчанинг таълим олишига кенг имконият яратиш, бағрикенглик ва ўзаро ҳурмат муҳитини мустаҳкамлаш, виждон ва дин эркинлиги ҳамда эътиқод қилувчиларнинг бошқа ҳуқуқларини ҳимоя қилишга қаратилган “Маърифат ва диний бағрикенглик” номли БМТ Бош ассамблеясининг махсус резолюциясини қабул қилиш ташаббусини илгари сурди.

Самуэль Браунбэк самимий қабул учун Шавкат Мирзиёевга миннатдорлик билдириб, АҚШ Ўзбекистонда амалга оширилаётган кенг миқёсли ўзгаришларни юқори баҳолаши ва қўллаб-қувватлашини таъкидлади.

Томонлар Ўзбекистон ва АҚШ ўртасидаги кўп қиррали, хусусан, мамлакатда фуқаролик жамияти институтларини мустаҳкамлаш, бағрикенглик ва конфессиялараро тотувликни таъминлаш соҳасидаги ҳамкорликни кенгайтиришга тайёр экани билдирилди.

Изоҳлар 1

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг