«Барсагейт»: Бартомеу қўлга олинди, офислар тинтилмоқда
Испаниянинг «Барселона» футбол клуби собиқ президенти Жозеп Мария Бартомеу каталон полицияси амалиёти доирасида ҳибсга олинди. Бу ҳақда «Euronews» хабар берди.
Клуб офисларида тинтув ўтказилмоқда. Бартомеу билан бирга ижрочи директор, юридик бўлим бошлиғи ва жамоа президентининг маслаҳатчиси қўлга олинган.
ОАВ маълумотларига кўра, бу ишлар клубнинг коррупция ва пулларни «ювиш»да гумон қилинаётган раҳбарияти аъзолари фаолиятини ўрганиш билан боғлиқ.
«Барсагейт» можароси ўтган йил бошларида алангаланганди: каталон радиоси «Cadena» очиқлаган маълумотларга кўра, клуб раҳбарияти бир пиар-компанияга ижтимоий тармоқларда Бартомеунинг ижобий қиёфасини шакллантириши ва аксинча, рақибларини танқид қилиши учун миллион евро ўтказиб берган. Ушбу хизмат ҳақи бозор нархидан олти баравар ошириб юборилган.
2020 йил октябрь ойи охирида Бартомеу, директорлар кенгашининг барча аъзолари ва етакчи менежерлар истеъфога чиқиб кетишганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter