«Барселона» янги футболчисини таништирди
«Барселона» клуби «Тулуза»дан харид қилинган ёш ҳимоячи Жан-Клер Тодибони мухлисларга таништирди.
19 ёшли футболчи каталонияликлар клуби билан 4,5 йиллик шартнома имзолади.
Аслида, Тодибо 1 июлдан сўнг эркин агент сифатида «Барса»га ўтиши керак эди, аммо якунда клублар келишув шартларини ўзгартиришди ва футболчи қишдаёқ Барселонага кўчиб ўтди. Жан-Клер янги жамоасида 6-рақамда ўйнайди.
Франция чемпионатининг ушбу мавсумида у 10та ўйин ўтказиб, битта гол урган. У 2018 йил ноябрь ойида клуби билан шартномасини узайтиришдан бош тортгани учун асосий таркибдан четлатилган эди.
Эслатиб ўтамиз, аввалроқ «Барселона» Бразилиядан 20 ёшли ҳимоячи Эмерсонни ҳам сотиб олгани маълум қилинганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter