Япониялик Кадзуёси Миура 1980-йиллардан бери тўп тепади, яқинда у 52 ёшни қаршилайди.

Кадзуёси Миура фаолиятини давом эттираётган энг ёши катта футболчи ва гол муаллифи сифатида Гиннесснинг рекордлар китобига кирган. Аммо Миура тўхташ ниятида эмас — «Иокогама» билан шартномасини яна бир йилга узайтирди.

#横浜FC は #三浦知良 選手との
2019シーズンの契約を更新‼️

リーグ戦でゴールを決めた最年長のプロサッカー選手として、
ギネス世界記録にも登録されている #キングカズ 🔥

今シーズンも更なる記録更新に期待💪#Ｊリーグ@yokohama_fc pic.twitter.com/xO0tWa3E4A

— Ｊリーグ (@J_League) 11 января 2019 г.

— Шартномамни 2019 йил учун узайтирдим. Барча қўллаётганларга раҳмат, сизлардан миннатдорман. Жуда кўп ўйинларда майдонга тушаман, бунинг учун тайёргарликка боримни сарфлайман, — деди Миура.

2019 йилги мавсум Миура учун профессионал фаолиятидаги 34-си. Тасаввур қилинг-а, у Бразилиянинг «Сантос»ида 1986 йили фаолиятини бошлаганида Криштиану Роналду 1 ёшда бўлган, Лионел Месси эса туғилмаганди...

Миура 2005 йилдан бери «Иокогама» шарафини ҳимоя қилиб келади. 1990 йилдан 2000 йилгача Япония терма жамоасига жалб қилинган, 89 та ўйин ўтказиб 55 та гол урган.