Ўзбекистон Мудофаа вазирлиги спорт клуби аъзоси лейтенант Надия Дусанова ўз мухлисларини иккита — олтин ва бронза медаллари билан хушнуд этди.

Вазирлик матбуот хизмати хабарига кўра, Чехияда ўтказилган «Hvězdy v Nehvizdech» («Юлдузлар Нехвиздеда») халқаро турнирда жорий йил Ўзбекистондан енгил атлетика тури бўйича Светлана Радзивил ва Надия Дусанова юқори натижаларни кўрсатиб, юртимизга медаллар шодасини тақдим этди. Мазкур халқаро турнирда дунёнинг 10 та мамлакатидан келган 13 нафар спортчи ўзаро беллашди.

1 февраль куни Светлана Радзивил баландликка сакраш бўйича 183 сантиметр кўрсатгичга эришиб, мексикалик Хумена Эсқуивел ҳамда Ирландиядан келган Пиппа Роган исмли спортчилар билан бир қаторда учинчи ўринни эгаллади. Айнан шу куни лейтенант Надия Дусанова 192 сантиметр натижа билан турнирнинг энг юқори поғонасидан жой эгаллади.

6 февраль куни эса Надия Дусанова 190 сантиметр баландликка сакраб ушбу турнирда иккинчи — бронза медалига эга чиқди.