Ўзбекистон ОТЖ гуруҳдан чиқиш вазифасини уддалади
Хитойда давом этаётган Осиё чемпионати доирасида Ўзбекистон олимпия терма жамоаси Уммон олимпия терма жамоаси устидан кичик ҳисобда ғалаба қозонди.
Ўзбекистоннинг ягона голига 37-дақиқада рақиб жарима майдонидаги тартибсизликдан унумли фойдаланган Достонбек Турсунов муаллифлик қилди.
«А» гуруҳининг яна бир учрашуви — параллел равишда кечган Хитой ва Қатар олимпиячилари беллашувида қатарликлар 2:1 ҳисобида ғалаба қозониб, 100 фоизлик натижа билан кейинги босқичга йўл олди. Мезбонлар тезкор гол билан ҳисобни очган бўлишига қарамай, қизил карточка ва мажбурий ўзгаришлар ўз кучини кўрсатди — якунда икки гол ўтказиб юборган Хитой мусобақа билан хайрлашди.
Шу тариқа Ўзбекистон олимпия терма жамоаси мусобақадаги иштирокини давом эттирадиган бўлди.
Фото: «Twitter»/ #AFCU23
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter