«Эски тос, эски ҳаммом»! Роналду — Мессига, «Реал» эса «Барса»га яқинлашмоқда
Испания чемпионатининг 29-тури якунланди. Пешқадам «Барселона» ўз уйида Билбаонинг «Атлетик» клубини 2:0 ҳисобида мағлуб этиб чемпионликка янада яқинлашди. Голларга Пако Алкасер ва Лионел Мессилар муаллифлик қилишди. Шу тариқа Месси примеранинг 9 мавсумида камида 25 та тўп киритган илк футболчига айланди.
Пешқадамни изма-из таъқиб қилиб келаётган «Атлетико» сафарда «Вилярреал»га имкониятни бой берди — 1:2. Бундан 3-ўриндаги Мадриднинг «Реал»и фойдаланиб қолди. Улар «Сантяго Бернабеу» стадионида «Жирона»га имконият қодирмади. Голларга бой учрашувда 6:3 ҳисоби қайд этилди. Роналду баҳсда «покер» қайд этиб, тўпурарлар рўйхатида 2-ўринга кўтарилиб олди. Бу португалиялик футболчининг 50-хет-триги сифатида тарихга кирди.
Мазкур турдан кейин «Барселона» «Атлетико»ни 11 очкога ортда қолдира бошлади. Ўз навбатида, «Реал» ҳам ҳамшаҳарларига етиб олиши учун бор-йўғи 4 очколик фарқни йўқ қилишлари кифоя.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter