Снейдер «Пахтакор»га қарши ўйнаши мумкин
Франциянинг «Ницца» клуби ярим ҳимоячиси Уэсли Снейдер ўз фаолиятини Қатарда давом эттирадиган бўлди. Бу ҳақда Голландиянинг «Telegraaf» нашри хабар бермоқда.
Голландиялик 33 ёшли футболчи якшанба куни Доҳада «Ал-Гарафа» тиббий кўригидан ўтади. Келишув 1,5 йилга мўлжалланяпти.
Снейдер «Ницца» таркибига 2017 йилнинг августида Туркиянинг «Галатасарой»идан келиб қўшилган эди. У турк клубидаги тўрт йиллик фаолиятига қадар «Аякс», «Реал» ва «Интер»да тўп сурган.
Эслатиб ўтамиз, Тошкентнинг «Пахтакор» клуби Осиё чемпионлар лигаси гуруҳ босқичига йўл олиши учун айнан Снейдер билан «қуролланган» «Ал-Гарафа» қаршилигини синдириши лозим бўлади.
Учрашув 30 январ куни Дохада бўлиб ўтади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter