«UZREPORT TV» телеканали Олимпия ўйинларининг эксклюзив трансляция ҳуқуқини қўлга киритди
Ўзбекистон Миллий олимпия қўмитаси «UZREPORT TV» телеканалига XXIII қишки Олимпия ўйинларининг эксклюзив ҳуқуқини расмий сотиб олиш таклифи билан чиқди.
Телеканал бу таклифни маъқуллаб, тегишли келишувга эришди ва Олимпия ўйинлари трансляциясининг эксклюзив ҳуқуқини сотиб олди.
«UZREPORT TV» телеканали бунга қадар футбол бўйича Европа чемпионлар лигаси, Европа лигаси, Англия Премьер лигаси, Испания Ла Лигаси, Евро-2016 , шунингдек, бокс бўйича Германиянинг Гамбург шаҳрида ўтказилган жаҳон чемпионати ва қишки Осиё ўйинларининг трансляция ҳуқуқини харид қилганди. Энди телеканал ўз тарихида биринчи марта «Оқ олимпиада»ни эксклюзив намойиш этади.
Эслатиб ўтамиз, Жанубий Кореянинг Пхёнчхан шаҳрида ташкиллаштирилаёган XXIII қишки Олимпия ўйинлари шу йилнинг 9-25 февраль кунлари ўтказилади. Унда ўзбекистонлик спортчилар ҳам иштирок этишади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter