Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

АКТ-мактабга кириш имтиҳонлари ўтказилди

АКТ-мактабга кириш имтиҳонлари ўтказилди

Фото: «infocom.uz»

Кеча, 23 июль куни пойтахтимиздаги Муҳаммад ал-Хоразмий номидаги Ахборот коммуникация технологиялари йўналишига оид фанларни чуқурлаштириб ўқитишга ихтисослаштирилган мактаб 2018-2019 ўқув йили учун 5-синфга қабул имтиҳонларини ўтказди.

Ихтисослаштирилган мактаб 2018-2019 ўқув йили учун 5-синфга ўқувчилардан ҳужжатларни 2 июлдан 20 июл кунига қадар қабул қилди. Ушбу вақт мобайнида мактабга керакли ҳужжатларни 510 нафарга яқин ўқувчилар топширди ва қабул имтиҳонларида иштирок этиш ҳуқуқини қўлга киритдилар.

Фото: «infocom.uz»

Рўйхатдан ўтган ўқувчилар 23 июль куни «Ўзкўргазмасавдо» биносида бўлиб ўтган математика ва инглиз тили фанларидан имтиҳонларда иштирок этдилар. Имтиҳон 2 соат давом этди.

Имтиҳон Тошкент шаҳридаги Инҳа университети билан ҳамкорлида ташкил этилди. Олий таълим муассасаси мактабга имтиҳон жараёнини очиқлиги ва шаффофлигини таъминлашда кўмак берди.

Жумладан, имтиҳон жараёни live.inha.uz саҳифаси ва мактабнинг расмий «Facebook» саҳифаси https://www.facebook.com/AlKhorezmiySchool/  орқали онлайн намойиш этилди.

Шу билан бирга, имтиҳонларнинг шаффофлигини таъминлаш учун бир гуруҳ ота-оналар кузатувчи сифатида имтиҳон залига таклиф этилдилар.

Фото: «infocom.uz»

Кириш имтиҳонлари якунларига кўра, ихтисослаштирилган мактабнинг 5-синфига 60 нафар ўқувчи қабул қилинади. Имтиҳон натижалари 2018 йилнинг 30 июль куни эълон қилинади.

Ихтисослаштирилган мактаб Ўзбекистон Республикаси Президентининг 2017 йил 14 сентябрдаги қарори асосида ташкил этилган. Унда мактаб ўқувчилари давлат умумий ўрта таълим стандартлари асосида замонавий педагогик ва ахборот-коммуникация технологияларини кенг жалб қилган ҳолда математика, физика, информатика ва чет тили фанларини чуқур ўзлаштирадилар. Мактабнинг низомига кўра, таълим ўзбек тилида олиб борилади.

Манба: inha.uz

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг