«Apple» 30 йилда топганини бир ойда йўқотди
«Apple» компаниясининг бозор қиймати 951 млрд. долларни ташкил этмоқда. «Business Insider» таҳлилчиларининг кузатишича, беш ҳафтада компания қийматидан 190 миллиард йўқотди — «Apple» 2010 йилда шунчага баҳоланган.
Экспертларнинг таъкидлашича, беш ҳафтада йўқотилган маблағни ишлаб топгунча «Apple» ўзи ташкил этилган пайтдан бошлаб 30 йил сарфлаган. 2010 йилга келиб компания бренди 190 миллиард долларга баҳоланди.
Кеча, 12 декабрь кунги савдолар якунида «Apple» акциялари 5 фоизга арзонлашди. Ҳозир бир дона акцияси — 194 доллар. Молиячилар компания қимматбаҳо қоғозларининг арзонлашиб кетишини «айфон»ларга талаб камлиги билан изоҳлашди.
Эслатиб ўтамиз, 2018 йилнинг август ойида «Apple» 1 триллион доллардан юқори баҳоланган илк Америка компаниясига айланганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter