«Google» ва «Facebook»нинг собиқ ходимлари ижтимоий тармоқларнинг дунёга таъсирини ўрганишга ихтисослашган «Гуманитар технологиялар маркази»га асос солди. Мазкур гуруҳга «Google»нинг этика бўйича собиқ ички мутахассиси Тристан Харрис бошчилик қилади, деб хабар берди «NV.ua».

Янги коалиция технологияларнинг таъсирини ўрганишга асосланган. «Гуманитар технологиялар маркази» ўз олдига инсонлар соғлиғига зарар етказиши мумкин бўлган техноголиялардан огоҳлантиришни мақсад қилиб қўйган. Хусусан, гуруҳ техника «наркоманлиги» ҳақида сўзловчи реклама кампаниясини бошлаш ниятида.

«Facebook» фитна назарияларига ишонувчан одамлар фикрини инобатга олувчи бизнес-моделни яратди. Бу «Facebook»нинг манфаатлари учун хизмат қилади», — дейди ижтимоий тармоқнинг ривожланиш босқичида сармоя киритган бизнесмен Рожер Макнейм. Макнеймнинг тан олишича, у Цукерберг билан бўлиб ўтган суҳбатидан ҳайратга тушган, аммо манипуляция инвесторнинг фикрини ўзгартирган.

Коалиция таркибига кирган одамлар орасида «Facebook»нинг ишлаб чиқариш директори Сенди Паракилас, «Apple» ва «Google»нинг коммуникация бўйича собиқ директори Линн Фокс, «Facebook» собиқ топ-менежери Дейв Морин, «лайк» тугмасини яратган Жастин Розенштейн ва Кремний водийсининг бошқа нуфузли шахслари ўрин олган. 

«Биз тизим ичида бўлганмиз. Шундай экан компаниялар одамлар ҳақида қандай маълумотларга эга эканлигини биламиз», — дейди коалиция раҳбари Тристан Харрис.

Коалиция технологик компанияларнинг ўз маҳсулотларини ўзгартиришга мажбур қилувчи қонун лойиҳасини ишлаб чиқишни режалаштирмоқда. Хусусан, сенатор Эд Маркнинг қонун лойиҳаси давлат институтлари электрон ОАВларнинг болалар ривожланишига таъсирини ўрганишга қаратилган.