Хабарлар тезкор Телеграм каналимизда Обуна бўлиш ×

Илк бор 5G оммавий синови, етакчи эксперт ва блогерлар чиқишлари: «MobiСon 2018» қандай ўтди? (фото)

Илк бор 5G оммавий синови, етакчи эксперт ва блогерлар чиқишлари: «MobiСon 2018» қандай ўтди? (фото)

Фото: «Infocom.uz»

Кеча, 11 октябрь куни пойтахтимиздаги «International Hotel Tashkent» меҳмонхонасида «MobiСon 2018» мобиль конференцияси бўлиб ўтди. Учинчи маротаба ўтказилган анжуманда рақамли технологияларнинг етакчи экспертлари қатнашди.

Халқаро анжуманда Ўзбекистон, Озарбайжон, Беларус, Қозоғистон, Қирғизистон ҳамда Россиядан 20дан ортиқ спикер ўз маърузалари билан чиқиш қилди. Айниқса,  Маҳаллий спикерлар билан бир қаторда, халқаро digital ва IT компанияларнинг вакиллари — Veon Group бош ижрочи директори Шелл Мортен Йонсен, «Select Communication Group» — Виктор Елисеев (Қозоғистон), «Genesis YouTube Central Asia» — Самсон Безмятежный (Қозоғистон)нинг чиқишлари  долзарблиги билан барчанинг диққатини тортди. Шунингдек, мутахассисларнинг янги рақамли маҳсулотлар, интернетдаги асосий контент сифатида блогинг ҳамда влогингнинг ривожланиши, e-commerce, digital маркетинг ва бошқа мавзулардаги  ахборотлари қизиқарли бўлди.

Мобиль анжуманда «Beeline Uzbekistan» компанияси мобил алоқанинг бешинчи авлод 5G тармоғини «Huawei» ускуналарида илк бор оммавий синовдан ўтказди.

Янги алоқа стандарти Ўзбекистонда яқин вақт ичида кириб келиши режалаштирилган бўлиб, «MobiCon» иштирокчилари биринчи бўлиб уни синовдан ўтказиш имкониятига эга бўлди. 5G аввалги технологиялар билан таққосланганда, янги алоқа стандарти M2M ва IoT талабларга жавоб берган ҳолда маълумотлар узатиш тезлигини юзлаб Мбит/сонияга ошириш ва бир вақтнинг ўзида бир неча миллион қурилмалар учун тезликни таъминлаш имконини беради.

Шунингдек, конференция доирасида компаниянинг янги маҳсулотлар – BeelineTV ҳамда Яндекс.Музыка тақдимоти ўтказилди.

Шелл Мортен Йонсен, «Veon Group» бош ижрочи директори:

— «MobiСon 2018» халқаро мобиль конференциясида илк маротаба иштирок этдим. Анжуман оддий қилиб айтганимизда, рақамли дунё янгиликларини ўзаро алмашиш учун кенг майдон яратди ва шуниси билан аҳамиятлидир. Ўзбекистон иқтисодиёти инвестициялар учун очилмоқда. 4G катта шаҳарлардан чиқиб, ҳудудларга кириб бораётганини ҳам кўряпмиз. Бу албатта, интернет тезлиги ҳамда сифати билан боғлиқ. Шунингдек, биз, иқтисодиётнинг халқаро муносабатлар билан интеграциялашаётганини, халқаро савдо муносабатлари ва янги йўналишлари ривожланаётганини кузатяпмиз. Бундан ташқари, рақамли иқтисод трансформациясига ҳам гувоҳ бўляпмиз. Албатта, «MobiСon 2018»да йўлга қўйилган ҳамкорлик барча учун яхши самаралар беришига ишонаман.

Тадбирни «Ledokol Group» медиа агентлиги бир қатор ҳамкор ташкилотлар билан ташкил этди. Шу ўринда эслатиб ўтамиз, «Хabar.uz» ахборот-таҳлилий порталимиз ҳам тадбирнинг ахборот ҳамкори сифатида иштирок этди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг