Хитойнинг «Beijing Lingyun Intelligent Technology» компанияси автоном бошқариладиган икки ўриндиқли «Lingyun 1703» электромобилини яратди, деб хабар беради «Hi-tech.mail.ru».

«Lingyun 1703» ўз ташқи кўриниши билан мотоциклни эслатади: унга атига иккита ғилдирак ўрнатилган, ичида битта ўриндиқ бўлса-да, иккита эшикка эга.

Гирокарнинг узунлиги уч метрга, эни эса атига 1 метрга тенг. Унинг ўзига хос жиҳати — салондаги ўриндиқ остига гирсокоп ўрнатилган бўлиб, бу электромобилга горизонтал ҳолатини сақлаб қолишда ёрдам беради.

Машина ҳаракатсиз турганида ҳам мувозанатни сақлаб қолиши учун муҳандислар эшик остига қўшимга йиғма ғилдирак жойлаштирган. Гирокар автоном ҳаракатланишга мўлжаллангани сабаб унинг ичида анъанавий бошқарув тизимлари мавжуд эмас: йўловчининг қаршисидан биргина кўнгилочар тизимлардан иборат монитор ўрин олади. Мазкур машинанинг максимал тезлиги 100 километр/соатга тенг. Бир марта қувватланиш орқали деярли 100 километр масофани босиб ўтишга қодир.

Лойиҳага кўра, «Lingyun 1703» йилига 5-10 минг нусхада ишлаб чиқарилади ва унинг нархи 15 минг доллар атрофида бўлади.