Xabarlar tezkor Telegram kanalimizda Obuna bo'lish ×

Energetika vazirligi yana bir muammo haqida ma’lum qildi

Energetika vazirligi yana bir muammo haqida ma’lum qildi

Foto: Xabar.uz

O‘zbekiston Respublikasi Energetika vazirligi matbuot xizmati navbatdagi murojaat bilan chiqdi.

Qayd etilishicha, umumtizimda kuzatilgan yirik nosozliklar bosqichma-bosqich bartaraf etilib, respublikamizning yagona elektr tarmog‘iga quvvat uzatish boshlandi.

«Yuzaga kelgan nozosliklar sababli mamlakatimizdagi mavjud gaz qazib olish konlari va uni qayta ishlash zavodlarida texnologik jarayonlarning buzilish holatlari kuzatilmoqda. Bu esa, o‘z navbatida gaz ishlab chiqarish hajmining kamayishiga olib kelmoqda.

Shu sababli issiqlik elektr stansiyalarida gaz bosimining kamayishi kuzatilmoqda va bu elektr energiyasini ishlab chiqarish hajmiga salbiy ta’sir ko‘rsatmoqda.

Hozirgi vaqtda mavjud ishlab chiqarish quvvatlaridan kelib chiqib respublikamizning ayrim hududlarida navbatma-navbat elektr energiyasi yetkazib berilmoqda.

Energotizimda kuzatilgan nosozliklar sababli yuzaga kelgan muammolarni bartaraf etish uchun barcha choralar ko‘rilmoqda.

Hurmatli Vatandoshlar! Energetiklar tomonidan amalga oshirilayotgan sa’y-harakatlar va hozirgi sharoitdan kelib chiqib sizdan energiya qurilmalaridan oqilona foydalanishingizni va xonadoningizda ortiqcha elektr jihozlarini tarmoqqa ulamaslikni so‘raymiz.

Bu sa’y-harakatlar ko‘proq iste’molchilarni elektr energiyasi bilan ta’minlashga yordam beradi», deyiladi vazirlik murojaatida.

Eslatib o‘tamiz, kecha, 25-yanvar kuni O‘zbekiston bo‘ylab yirik energiya uzilishi ro‘y berdi.

Qaysi hududlarda elektr ta’minoti tiklangani - bu yerda.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring