Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

100 000 so‘mlikning chiqarilishi inflyasiyaga ta’sir qiladimi?

100 000 so‘mlikning chiqarilishi inflyasiyaga ta’sir qiladimi?

Foto: «Xabar.uz»

O‘zbekiston Respublikasi Oliy Majlisi Senatining Budjet va iqtisodiy islohotlar masalalari qo‘mitasi raisi Muhamet Jumagaldiyev bu haqda quyidagi fikrlarni bildirdi, deb xabar bermoqda «O‘zA​​».

– Ma’lumki, shu yilning 15-yanvar kuni Oliy Majlis Senati 100 ming so‘mlik banknot namunasi va dizaynini ma’qulladi, — deydi Muhamet Jumagaldiyev. — Markaziy bank tomonidan 100 ming so‘mlik banknotani muomalaga chiqarishdan maqsad aholiga naqd pul orqali hisob-kitoblarda qulaylik yaratish, saqlash, tashishni osonlashtirish, muomaladagi banknotalar strukturasini optimallashtirishdan iborat.

Yuz ming so‘mlik banknota eskirgan pul birliklarini muomaladan chiqarish hisobiga muomalaga kiritilmoqda. Shuning uchun, bu banknotalarning muomalaga chiqarilishi amaldagi naqd pul massasining oshishiga olib kelmaydi.

Demak, muomaladagi naqd pullar strukturasining o‘zgarishi inflyasiyaning oshishiga ta’sir qilmaydi. Yana ham soddaroq aytganda, 100 ming so‘mlik pul aholiga qo‘shimcha qulaylik yaratadi va bankomatlar orqali xizmat ko‘rsatish sifati va samaradorligini oshiradi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring