Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Marg‘ilondagi Mehribonlik uyi rahbarlari uzoq yilga ozodlikdan mahrum qilindi

Marg‘ilondagi Mehribonlik uyi rahbarlari uzoq yilga ozodlikdan mahrum qilindi

Foto: O‘zA

Avval xabar berilganidek, Marg‘ilon shahar 1-Mehribonlik uyi mansabdor shaxslari tomonidan sodir qilingan jinoyatlar yuzasidan muassasaning mansabdor shaxslari va xizmatchilariga doir ish yuzasidan hukm chiqarilganligi, shu bilan birga voyaga yetmaganlarga nisbatan jinsiy erkinlikka qarshi sodir etilgan jinoyatlar Jinoyat ishlari bo‘yicha Farg‘ona viloyati sudining yopiq sud majlisida ko‘rilayotganligi ma’lum qilingan edi.

Jinoyat ishlari bo‘yicha Farg‘ona viloyati sudining yopiq sud majlisining hukmi bilan Q.Qodirov O‘zbekiston Respublikasi Jinoyat kodeksi 119-moddasining 4-qismi va boshqa moddalar bilan uzil-kesil 15 yil 6 oy muddatga ozodlikdan mahrum qilingan. Bu haqda O‘zA xabar berdi.

Shuningdek, shu sudning boshqa tarkibi tomonidan yopiq sud majlisida Mehribonlik uyining direktor o‘rinbosari S.Usmanovga oid jinoyat ishi yakunlanib, unga Jinoyat kodeksi 119-moddasi 3-qismining “a” bandi va boshqa moddalar bilan uzil-kesil 16 yil ozodlikdan mahrum qilish jazosi tayinlandi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring