Fazliddin G‘oyibnazarov dominikanlik bokschini texnik nokautga uchratdi
18-yanvardan 19-yanvarga o‘tar kechasi Nyu-York shtatining Verona shahrida o‘tgan boks jangida Rio-2016 Olimpiadasi chempioni, bokschimiz Fazliddin G‘oyibnazarov dominikanlik bokschi Rikardo Garsiyani texnik nokautga uchratdi.
Sakkiz raundlik jang to‘rt raund davom etdi. To‘rtinchi raund yakunlangach, Garsiya jangni davom ettira olmasligini ma’lum qildi. Bungacha Fazliddin raqibini uchinchi raundda nokdaun holatiga ham tushirgandi.
Fazliddin G‘oyibnazarov professional ringda 6 ta jang o‘tkazib, ularning barchasida g‘alaba qozongan (3 ta nokaut). Rikardo Garsiya esa 19 marotaba jang qilib, 14 marotaba g‘alabaga erishgan (9 ta nokaut). 4 ta jangda mag‘lub bo‘lgan, bitta bahsda durang qayd etgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter