Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Putin o‘zining ustuvor vazifalarini so‘zlab berdi

Putin o‘zining ustuvor vazifalarini so‘zlab berdi

Foto: «RIA Novosti»

Rossiya prezidenti Vladimir Putin o‘zining saylov shtabi vakillari bilan o‘tkazgan yig‘ilishida to‘rtinchi prezidentlik muddatidagi asosiy vazifasi ichki muammolarni hal etish ekanligini aytib o‘tdi. Bu haqda «RIA Novosti» xabar bermoqda.

Uning so‘zlariga ko‘ra asosiy vazifa Rossiya iqtisodiyotini ko‘tarish va unga innovatsion tus berishdir.

«Bu sog‘liqni saqlash, ta’lim sohasi, ishlab chiqarishdagi, infrastruktura va fuqarolarimiz hayot darajasini oshirishga qaratilgan ko‘plab sohalardagi rivojlanishni o‘z ichiga qamrab oladi», — dedi Putin.

Shu bilan birga, davlat rahbari mamlakatning mudofaa va xavfsizlik masalalarini ham e’tibordan chetda qoldirmasligini aytib o‘tdi.

Avvalroq prezidentning matbuot kotibi Dmitriy Peskov Putinning mamlakatni rivojlantirishning tushunarli va izchil rejasi borligini aytgan edi. Uning rejasi davlat rahbarining ko‘rsatmalariga asosan tayyorlanadi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring