Shayxontohur tumaniga prokuror tayinlandi
O‘zbekiston Respublikasi Bosh prokurorining 2018-yil 14-avgustdagi buyrug‘i bilan Oybek Anvarjonovich Xoshimov Toshkent shahar Shayxontohur tumani prokurori lavozimiga tayinlandi.
O.A.Xoshimov 1978-yilda Farg‘ona viloyati, Oltiariq tumanida tug‘ilgan, ma’lumoti oliy-huquqshunos, 2002-yilda Toshkent davlat yuridik institutini tamomlagan.
U prokuratura organlaridagi xizmat faoliyatini Andijon viloyati Bo‘z tumani prokuraturasida boshlab, keyinchalik Andijon va Farg‘ona viloyat prokuraturasi organlarida turli lavozimlarda ishlab, Farg‘ona viloyati O‘zbekiston tumani prokurori lavozimida faoliyat yuritgan.
2018-yilning mart oyidan Samarqand viloyati prokurorining o‘rinbosari lavozimida ishlab kelgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter