Toshkent aeroportida yangi terminal ochildi (foto)
Bugun, 15-iyun kuni Islom Karimov nomidagi «Toshkent» xalqaro aeroportida 1 soat ichida 1200 nafargacha bo‘lgan yo‘lovchilarga xizmat ko‘rsata oladigan yangi zalning ochilish marosimi bo‘lib o‘tdi, deb xabar bermoqda «Uznews».
Yangi terminal muhandislik-texnik uskunalar bilan jihozlangan bo‘lib, bu yerda «qizil» va «yashil» yo‘laklar, 4 ta yuk lentasi, pasportni nazorat qiluvchi 24 ta punkt, ikkita valyuta almashtirish punktlari, ikkita «Duty free» do‘koni va ikkita kafe-bar mavjud.
Ta’kidlash joiz, yangi terminalda pasport nazoratidan o‘tish vaqti 7-10 daqiqagacha qisqaradi (avval bu jarayonga 15-20 daqiqa ketardi).
«Yangi zalning ochilish kunida aviakompaniya xodimlari va OAV vakillari Seul–Toshkent yo‘nalishida uchib kelgan 243 nafar yo‘lovchilarni kutib olishdi», deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter