Gruziyada Rossiya prezidenti saylovi uchun saylov uchastkalari ochilmadi
Shveysariyaning Gruziyadagi elchixonasi qoshidagi Rossiya manfaatlari seksiyasi vakili Gruziya hududida Rossiya prezidenti saylovi uchun saylov uchastkalari ochilmasligi haqida xabar berdi. Bu haqda «Interfaks» agentligi ma’lumotiga asoslanib, «Aif.ru» nashri ma’lum qildi.
Agentlik manbasining izoh berishicha, Gruziya va Rossiya o‘rtasida diplomatik aloqalar mavjud emasligi tufayli gruzin hukumati tashabbusi bilan Gruziya hududida Rossiya prezidenti saylovi bo‘lib o‘tmaydi.
«Prezident saylovi vaqtida Gruziyada bo‘lgan Rossiya fuqarolari qo‘shni davlatlar — Ozarbayjon va Armanistonga borib ovoz berishlari mumkin», — degan diplomat.
Bugun, 18 mart kuni Rossiyada prezident saylovi bo‘lib o‘tmoqda. Unda rekord miqdorda xalqaro kuzatuvchilar ishtirok etishi kutilayapti.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter