Ayni paytda O‘zbekiston Respublikasi Prezidenti Shavkat Mirziyoyev raisligida mamlakatga xorijiy turistlar oqimini ko‘paytirish va ichki turizmni yanada rivojlantirish, sayyohlik xizmatlarini yaxshilash va turlarini kengaytirish bo‘yicha ko‘rilayotgan choralar natijadorligi tahliliga bag‘ishlangan videoselektor yig‘ilishi bo‘lib o‘tmoqda.

Yig‘ilishda sohaga mas’ul davlat organlari rahbarlari, mas’ul xodimlari, shuningdek, mahalliy davlat hokimiyati organlari hamda mutasaddi idoralar vakillari, turizm sohasida faoliyat yuritayotgan tadbirkorlar qatnashmoqda.

Yig‘ilishda qatnashayotgan «Xabar.uz» axborot-tahliliy portalining vakilining ma’lumot berishicha, davlat rahbari o‘zbekistonliklarni oilaviy sayohatga chiqishga targ‘ib qilgan, mutasaddilarga ushbu ishni amalga oshirish mexanizmini ishlab chiqishni tayinlagan. Shuningdek, korxona va tashkilotlar tomonidan jamoaviy sayohatlarni tashkil etilishi lozimligini uqtirgan.

Voqealar rivojini biz bilan birga kuzating!