Putinga Rossiya prezidenti guvohnomasi topshirildi
Bugun, 3-aprel kuni Rossiya Markaziy saylov komissiyasi raisi Ella Pamfilova joriy yilning 18-mart kuni bo‘lib o‘tgan saylovda g‘olib chiqqan Vladimir Putinga prezidentlik guvohnomasini topshirdi. Bu haqda «Kremlin.ru» sayti xabar berdi.
Marosim vaqtida Pamfilova Putinni saylovdagi ishonchli g‘alabasi bilan tabriklagan.
O‘z navbatida Rossiya rahbari Pamfilovaga faoliyati uchun minnatdorchilik bildirgan. «Ko‘pchilik aytganidek, bu mamlakatimiz tarixidagi eng ochiq va adolatli saylov bo‘ldi», — deya ta’kidlagan Putin.
Eslatib o‘tamiz, Putin Rossiyadagi prezident saylovida 76 foizdan ko‘proq ovoz to‘plab, g‘alabaga erishgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter