Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Ravshan Ermatov guruhi Toshkent Xalqaro aeroportida kutib olindi

Ravshan Ermatov guruhi Toshkent Xalqaro aeroportida kutib olindi

Foto: O‘FA matbuot xizmati

FIFA referisi, Jahon chempionatlarida eng ko‘p o‘yinni boshqarish bo‘yicha rekord sohibi hamyurtimiz Ravshan Ermatov Rossiyada o‘tkazilayotgan mundialda ishtirok etib qaytdi.

Ravshan Ermatov va uning yordamchilari Abduhamidullo Rasulov hamda Jahongir Saidovlar JCh-2018dan o‘rin olgan Argentina – Xorvatiya va Ispaniya – Marokash uchrashuvini boshqarib borishdi. Shu tariqa Ravshan Ermatovning mundiallarda boshqargan uchrashuvlari soni 11taga yetdi. Bu esa mutlaq rekord hisoblanadi.

Foto: O‘FA matbuot xizmati

Bugun tunda Ravshan Ermatov va uning yordamchilari Abduhamidullo Rasulov hamda Jahongir Saidovlar yurtimizga qaytib kelishdi. Ularni Islom Karimov nomidagi Toshkent Xalqaro aeroportida O‘FA mutasaddilari, futbol muxlislari va OAV xodimlari kutib olishdi.

Foto: O‘FA matbuot xizmati

Ravshan Ermatov Jahon chempionati davomida ularni qo‘llab-quvvatlab turgan barchaga o‘z minnatdorchiligini bildirib o‘tar ekan, futbol bo‘yicha 4 yillikning eng nufuzli musobaqasida Vatanimiz nomi yangraganidan benihoya baxtiyor ekanini bildirib o‘tdi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring